مسلسل يوميات ملقوفة (مع الملقوفة المسلسل غييييير ^_^)*

هلا بنات اخباركم حبيت احط لكم مسلسل كويتي خيالي
كل يوم بحط حلقه

شخصياات المسلسل والادوار

الشخصيه :
الدور
ملقوفه :
البنت الشيطونه والملقوفه

ام لقرع :
الام

ابولقرع :
الاب

لقرع :
الاخو لكبير

شباصه:
الاخت العوده والمتزوجه

البطه :
الاخو لصغير

ام شامه :
بنت خالة ملقوفه المقربه

طماشه :
رفيجة ملقوفه المقربه

اندومي :
الخادمة

رفيق
:

السايق

ملاحظه:راح اتكون في شخصيات جديده في كل حلقة

الحلقة الاولى (عنوان الحلقه: يمه مااااابي... اروح المدرسه)

[size=12]الساعه 6:30

أم لقرع :طق طق..طق طق طق..ملقوفه ملقوفه يمه بطلي الباب وقومي وراج مدرسه
قومي بدلي

ملقوفه:إنشاء الله يمه إنشاء الله أوووف مدرسة مدرسة شماخذين من هلمدرسه
غيييير عوااااار الرااااااس

أم لقرع:خلي عنج التحلطم ويلابسرعه بدلي ملابسج ونزلي تحت مزهب الريوق

ملقوفه:إنشاء الله إنشاء الله أوووف مدرسة مدرسة محد راح يذبحني غير هلمدرسة
وووي ياحلاة النوم خننام 5 دقايق أزياده يمكن اقعد مصحصحه

البطه:طق طق طق

ملقوفة:ولييييييه يمه قلت إنشاء الله كاني نازلة أووووه محد يعرف أنام بهلبيت

البطه:خخخخخ أنا مو أمج أنا أخوج البطه لمدلل خخخ

ملقووفة:أوووف هذا أنت يالبطه أشتبي أكيييد تبي أفلووس عشان أتمر المطعم
أعرفك مايهمك إلا بطنك

البطه:خخخخخ لا أمي وأندومي أمزهبين خووش ريووق لايطوووفج
خخخ

ملقوفة:أي انا قلت اكيد السالفه فيها اكل يالبطيني روح وخلني افكر

البطه:أممم أكييد أنتي مسويه شي وماتبين أتروحين المدرسة بروح أقول
حق أمي خخخخخخ

ملقوفة: تعال تعال يالبطه هلبطة كشفني أنا موكاتبة الواجب ياويلي من أبلة فتكات
بروحها ذاك اليوم معاقبتني ومخليتني أقصص سلطة معاها وتارسة السلطة بصل
اعناد فيني وااااااي هلمرة شبتسووي فيني
خندق على طماشو يمكن اتلاقيلي حل
123456789
(طووط..طوووط..طووط)التلفون يرن

طماشة :ألووووو

ملقوفه:ألووو طماشوو إنتي قاعده

طماشة:لا نايمه خخخخ أي ملقوفو قاعده أشلون رديت عيل

ملقوفه:أتطنزين مع قذلتج ألي كل يوم مطلعتها برا لحجاب لييييش مادري خخخ

طمااشه:ههههههه محترة من قذلتي!!

ملقوفه:لا والله محترة من شامتج ..فكينا بس وبغيت أسألج أنتي كتبتي الواجب عشان أنقلة منج
خخخ

طماشة:لاوالله ماكتبتة أمس كانت عندنا بنت عم خالة يدة أمي ولهينا بسوالف فنسيت المهم
تعالي الواجب مو مهم أنتي نسيتي أبلة فتكات قالت أن عندنا أمتحاااااااااان بعد

ملقوفه:يمممممه قلبي صججججج عندنا إمتحان أشلوون نسيييت ياويلي من أبلة فتكات بروحها
حااااطه علي

طماشة:خخخخ حاطه عليج من سوالفج يلملقوفه كله اتليقفين وتسألينها عن أعيالها الي بمصر
ولي مو شايفتهم من 5 سنين والمسجينه أتذكرهم وتقعد تبجي خخخ

ملقوفه:خخخ أي صاجه لو افتك من هلقافه جاان زيين بس شسووي بضيع الحصه
فقعد أسألها عن اعيالها خخخ حركاااات المهم أنا بروح اتبجبج عن أمي يمكن أكسر
خاطرها وتوافق أني اغيب ومااداوم اليوم مالي خلللق عقاااب بروح أنفذ الخطه
وإنشاء الله تنجح خخخ يلااا بااااااي

طماااشه:خوووش خطة خخخخ يلااا الله معاااج باااااي

ملقوفة: خننزل تحت وبدأ بتنفيذ خخخ

(بلمطبخ)

ملقوفه:أهئ أهئ..أهئ أهئ..ياناااااس سمعوني قاعده ابجي أهئ

أم لقرع:أشفييييج أتبجبجين وصج إلي ايقوله أخوج صج مسويه شي
جايد وماتبين اتروحين المدرسه

ملقوفه:أهئ يمممه ماعليييج من هلبطه أنا ماسويت شي بس يمه أبلة
فتكات كللللله حاطه علي وكللله أتقولي (يابت مانسيش تعملي السلطه)
يممه كله أتخليني أقصص بصل وطماط

أم لقرع:أي هذذذي الابله السنعه أذا شافت لبنيه مو فالحه بدراسة
أتعلمها الطباخ شغلة تنفعها في بيتها وبيت زوجها بلمستقبل

ملقوفه:أهئ يعني يمممه أنتي راضيه على الي تسووي فيني؟؟؟

أم لقرع:أي وختكسر راسج بعد ماعندي مانع

ملقوفه:ظللللم ظللللللم مايصير جذي

أم لقرع:يلا عاد عن الحجي الزايد تريقي وروحي مدرستج

ملقوفه:أهئ أهئ خلااااص انا برووح بس أذا تأخرت لاتحاتوني
لأن اظاهر اليوم راح أطبخ الغدا حق أبلة فتكات

أم لقرع: أوووه ماعلي منج أندومي أندومي قولي حق رفيق
يلاااا اليهااال تأخرو على المدرسة

أندومي: جين جين ماما بس لايسوى جنجان واجد والله..اندومي
جيبي ماي أندومي سوي جااي والله هذا بيت مشكلة واجد

أم لقرع:واااااااي من ألساانج أنا أمتى سوويت جنجان ويلا يلا
عن الحجي الزايد روحي نادري رفيق

أندومي:جين جين والله..رفيق رفيق يلا ودي بجا مدرسة

رفيق:جين جين ..أنا يسوي سياره شغل شويه

ملقوفه:وااااااي بجا مايبي يروح مدرسة أشلون يعني فكررري
ياملقوفة فكرري أشلوون تقنعين أمج وماتروحين لمدرسة
اممممممم

أم لقرع: ياملقوفه قاعده أتحاجين روحج تعبتي قلبي يايمه
يلاااا روحي مدرستج

ملقوفه:أوووه أظاهر ماكو فايدة خنروح ولي أيصير أيصير

(راحت ملقوفه المدرسة وبعد أنتهاء الدوام ردت)

الساعه2 الظهر

ملقوفه:أأأأأه ياريولي أأأأه يايمه لوتدرين أصااااار أبنتتج
أم لقرع:هههههههه أصاااار قصصتي بصل وطماط خخخ

ملقوفه:لاااااا جان زين هلمره أبلة فتكات جايبه معاها حلو وقهوه
بمناسبة نجاح ولدها ولما قلت لها أني مو كاتبة الواجب ومودارسه
أستغلت هشي وقالتلي: (مش كاتبه الواجب ومش درسه ماشاء الله
ماشاء الله طيييييب خودي دول وزعيهم على الاقسااام كلهااا طيب
ياحبيبتي)
أنا يمه صاعده ونازله ونازله وصاعده أتكسرت ريولي يمه

أم لقرع:هههههه زين أتسووي فييج

ملقوفه:يمه أنتي معاااي ولا معاهاا بس كلللله مني لو مو سألتها عن
أعيالها جان ماصار الي صار

أم لقرع: ههههههه لو الله يفكج من هلقافه جان بخت

ملقوفه:أهئ أهئ كل أشوووي تذكروني بمعاناتي أهئ خلاااااص
برووح أناااام ولاتقعدون لاعلغدا ولاعلعشا بناااام لي باااجر

أم لقرع:يلاااا عاااد روحي نامي سااااعه ماكو غيرها عقب اقعدج
عشان أدرسين

ملقوفه: دراسه دراسه ماصاااارت أهئ

ترن ترن ترن ترن (التلفون يرن)

أم لقرع: يلا عن التحلطم وخنشووف من قاعد يدق

ملقوفه: زين زين وااااي بس يزفوون برووح غرفتي أحسسن

(ام لقرع اترد عتلفون)
أم لقرع: ألوووو...وعليكم السلام هلا والله منو معااي أي أنا
أم ملقوفه شنهو شنهوو.. ليييش أسووت بنتي ..أوكي أوكي
حيااج الله مع السلامه

ملقوووووووووفوووووووووووو

[/size]

شكرا أختي
الموووضووع رووووووووعه

..
~
..

تـــ ح ــياتــي ..~

michael jackson

مسلسل *يوميات ملقوفة *(مع الملقوفة المسلسل غييييير ^_^)*

مسلسل يوميات ملقوفة (مع الملقوفة المسلسل غييييير ^_^)*